الحيرة بين الأنواع والبحث عن الجمال الظاهري فقط ممكن يخليك تقتني قطعة ملمسها يتغير بسرعة أو تفقد هيبتها مع الاستخدام اليومي فالسر دايمًا يكمن في جودة خامات خراطة السبح اللي تختارها.
وفي هذي المقالة بنختصر عليك المشوار ونعلمك وش هي أسرار اختيار الخامة اللي تبيض وجهك وتجملك في كل مجلس.
وش المقصود بـ خامات خراطة السبح؟
قبل ما تدور على شكل ولون المسباح اللي تبي يكون بيدك لازم تفهم إن الخامة هي الروح والأساس اللي تنبني عليه السبحة والمقصود بخامات خراطة السبح هي المواد الأولية سواء كانت طبيعية أو مصنعة اللي يختارها الخراط بعناية عشان يحولها من كتلة خام لخرز فني متناسق… وهذي أهم النقاط اللي تشرح لك هذا المفهوم:
الأساس المتين:
تمثل الخامات المادة الخام التي يتم تشكيلها وخرطها وهي اللي تحدد جودة السبحة ووزنها وحتى رنين صوتها وهي في يدك.
عامل الاستدامة:
جودة خامات خراطة السبح هي المسؤول الأول عن بقاء السبحة معك لسنوات طويلة بدون ما يتغير لونها أو يتأثر ملمسها بالاستخدام اليومي.
القيمة السوقية:
تختلف قيمة السبحة بناءً على ندرة وصعوبة الحصول على تلك الخامات… فكل ما كانت الخامة نادرة وصعبة في الخراطة زادت هيبتها وقيمتها.
التفاعل مع البيئة:
بعض خامات خراطة السبح لها ميزات حسية مثل إصدار روائح زكية عند الاستخدام أو تغير ألوانها بمرور الزمن بما يسمى بالتعتيق وهذا اللي يميز خامة عن ثانية.
تحدي الخراط:
اختيار خامات الخراطة المناسبة يتطلب خبرة كبيرة لأن كل مادة لها درجة صلابة معينة وتفاعل مختلف مع أدوات الخراطة اليدوية.
باختصار هي حجر الأساس اللي يحدد هل سبحتك بتكون مجرد إكسسوار عادي أو قطعة فنية فخمة تفتخر فيها وتورثها كمان.
أفضل أنواع خامات خراطة السبح في السعودية:
عشان تختار صح لازم تفرق بين المصدرين الأساسيين اللي تطلع منهم أفخم السبح لأن كل مصدر له عشاقه وله مميزات تميزه عن غيره:
أولاً - خامات المسابيح الطبيعية:
تعتبر هذي الفئة هي الأغلى والأكثر ندرة بين خامات خراطة السبح لأنها مستخرجة مباشرة من الطبيعة وتعتمد على مواد عضوية:
الكهرمان:
مصدره غابات الصنوبر القديمة وتحديدًا في منطقة البحر البلطي هو عبارة عن راتنج أشجار صنوبرية تجمد تحت الأرض لملايين السنين وهذا اللي يخلي الكهرمان من أندر خامات خراطة السبح الطبيعية.
مو بس ريحة وشكل… فالكهرمان من الخامات اللي لها طاقة خاصة وخفيف مرّة ومع الوقت يتغير لونه من الأصفر للبرتقالي الغامق وهذا اللي يسمونه الهواة التعتيق.
العاج:
العاج مو مادة واحدة فهو يشمل الأنياب وعظام الحيوانات وحتى القرون وكل نوع له كثافة ولون وملمس يختلف تمامًا عن الثاني… فالعظام مثلاً تكون مسامها أوضح وأخف وزنًا من أنياب الفيلة الصلبة.
يتميز بوجود عروق دقيقة وهو من أثقل خامات خراطة السبح وأكثرها برودة في اليد وهذا يعطيك شعور مرّة مريح في الصيف.
الكوك:
مصدره ثمرة جوز هند استوائية قاسية مرّة تنمو في غابات البرازيل وتركيا ويتم تنظيف الثمرة وتجفيفها لين تصير صلبة كأنها حجر وتعتبر من أكثر الخامات استدامة لأنها مصدر متجدد.
يتميز بكونه مادة صلبة جدًا ما تتأثر بالحرارة أو الرطوبة ومن مميزات هذي الخامة إنها تمتص الزيوت العطرية فإذا دهنت يدك بعود فالسبحة بتمسك الريحة لفترة طويلة.
ثانيًا - الخامات المُصنعة:
وهي مواد كيميائية راتنجية تم تطويرها لتعطي ألوان وصلابة تنافس الطبيعي:
الفاتوران:
مصدره كان عبارة عن خلط مادة البكلايت مع أصباغ وراتنجات سرية تعطي ألوان مميزة.
ميزة الفاتوران إنه يتأكسد بسرعة يعني إذا كانت سبحتك فاتحة مع الاستخدام تتحول للون أغمق وهذا التغير هو اللي يرفع قيمة هذي الخامة عند الجامعين.
البكلايت:
هو الأساس لأغلب خامات خراطة السبح الصناعية القديمة… وهو أول بلاستيك حراري تم اختراعه في العالم عام 1907م.
ويتميز البكلايت بصلابة عالية مرّة ومقاومة للحرارة وصوته مميز واضح… ففي سوقنا السعودي يشتهر البكلايت بألوانه المتنوعة وثبات ملمسه ويُعتبر من أكثر خامات خراطة السبح طلبًا للي يحبون المسابيح الثقيلة والرزينة.
الكاست:
هذي الخامة هي موضة العصر في خامات خراطة السبح واللي تتميز بصفاء عالي وشفافية تشبه الكريستال أو الزجاج وتسمح بدمج ألوان داخلية وكأنها سحب أو دخان.
الكاست مرّة خفيف ومُبهر تحت الإضاءة وهو المفضل للي يحبون السبح ذات الألوان العصرية والمنظر الجمالي الشفاف.
البولينق:
مصدرها هو إعادة تدوير كرات البولينق الاحترافية المستوردة حيث تُقطع الكرات لشرائح ثم مكعبات لتتحول إلى خامات للمسابيح وتتميز بأن المادة المصنعة لها جودتها عالية مرة وتتحمل الضغط.
فـ تعتبر حش التحمل في عالم خامات خراطة السبح، يتميز بصلابة خرافية وألوان عصرية ومتنوعة تليق مع كل الأذواق.
سواء كان ميلك للخامات الطبيعية بروحها الكلاسيكية أو الصناعية بألوانها الجريئة وصلابتها… فكل نوع له هيبته الخاصة اللي تزيد من فخامة حضورك.
حصّل الحين المسباح المناسب لك من مُخملي وخلّ في يدك قطعة تليق فيك.
أهم النصائح للعناية بالسبح المصنوعة من خامات ممتازة:
اقتنائك لواحد من أفخم المسابيح هو نصف المشوار والنصف الثاني هو كيف تحافظ على هذي القطعة الفنية عشان ما تفقد قيمتها أو جمالها مع الوقت… وهذي أهم النصائح اللي يوصون بها الخبراء للحفاظ على خامات خراطة السبح:
الابتعاد عن العطور والكحول:
لأن الكحول يطفي لمعة الخرز ويسبب تشققات دقيقة في السبح الصناعية مثل ويخرب مسام الخامات الطبيعية.
المسح الدوري بقطعة قماش:
عشان تحافظ على بريق خامات خراطة السبح امسحها بقطعة قماش مايكروفايبر ناعمة وجافة بعد كل استخدام.
تجنب الحرارة المباشرة:
لا تترك سبحتك في السيارة تحت شمس لأن الحرارة العالية ممكن تغير ألوان خامات خراطة السبح أو تسبب لها تمدد يخلي الخيط ينقطع.
التخزين الصحيح:
إذا ما كنت بتستخدم السبحة احفظها في صندوقها الخاص المبطن بقماش ناعم ولا تحطها مع مفاتيح أو قطع معدنية ممكن تخدشها.
الاستخدام المستمر:
السبح مثل الكهرمان تحب الاستخدام المستمر لأن زيوت الجلد الطبيعية تعطي هذي الخامات لمعة وتعتيق أجمل بمرور السنين.
السبحة السعودية مو مجرد خرز هي برستيج وقطعة تعبر عنك واختيارك الصحيح لخامات خراطة السبح هو اللي بـ يخلي حضورك دايمًا مميز ولا يُنسى.
سواء كنت من عشاق الطبيعي وندرته أو الصناعي وصلابته فالمهم إنك تقتني قطعة مصنوعة بفن وإتقان.
تصفح تشكيلة مُخملي واختار السبحة اللي تليق بمقامك!
الأسئلة الشائعة:
ما هي أفضل خامات السبح؟
أفضل خامات السبح التي تعتبر فاخرة وعالية الجودة هي:
- الكهرمان: خامة طبيعية فاخرة بلون ذهبي شفاف وقيمة عالية.
- البكلايت: راتنج صناعي متين ولامع يستخدم في السبح التقليدية.
- الفاتوران: راتنج يدوي غني بالألوان وقيمته عالية لهواة السبح القديمة.
- المستكة: راتنج طبيعي يعطي لمعان وملمس ناعم للسبح الفاخرة.
- العاج: خامة طبيعية خفيفة الوزن وكل سبحة مميزة عن الثانية.
هل جميع الخامات متوفرة في متجر مخملي؟
يقدم متجر مخملي تشكيلة واسعة من خامات السبح عالية الجودة لتناسب جميع الأذواق والاستخدامات.