تبي سبحة كل ما قدمت زاد جمالها وقيمتها؟
إذا كنت من هواة اقتناء المسابيح فأكيد اسم سبح الفاتوران مر عليك وسمعت عن سحره الخاص.
مسابيح الفاتوران مو مجرد خرز مشكوك في خيط هي سبحة كل ما مر عليها الزمن زادت هيبتها وتغير لونها لدرجات تخطف الأنظار ولا زالت تسيطر على قلوب الهواة في السعودية… وفي هالمقالة بنعلمك ليش مسابيح الفاتوران هي المطلب الأول لكل سعودي ومن وين تقدر تحصّلها.
وش يعني سبح الفاتوران؟
كثير يسمعون الاسم بس ما يعرفون وش السر… باختصار سبح الفاتوران هي سبح مصنوعة من خامة كانت تُستخدم قديماً في أوروبا وتحديداً في ألمانيا لتصنيع مقابض الأبواب والأدوات المنزلية الفاخرة.
وهي خليط كيميائي يعتمد على مادة البكلايت مع إضافة أصباغ معينة والجدير بالذكر إن خامة الـ سبح الفاتوران انقطع تصنيعها من الحرب العالمية الثانية وصار المصدر الوحيد لها هو إعادة تدوير القطع القديمة وتشكيلها من جديد كخرز للسبح.
وهذا هو السبب اللي يخلي سبح الفاتوران غالية ونادرة وكل حبة فيها تحمل عبق التاريخ وسحر الماضي اللي ما عاد يتكرر بمصانعنا اليوم.
وش اللي يميز مسابيح الفاتوران؟
ينفرد الفاتوران بمجموعة خصائص مستحيل تجتمع في أي خامة ثانية واللي تجعلها تتصدر قائمة اختيارات الهواة والمقتنين في المملكة ومن أبرز هذي المميزات:
الأكسدة وتغير اللون:
تعتبر هذي الميزة هي الأهم فـ من أبرز مميزات سبح الفاتوران إنها تعتق مع الوقت يعني لونها يغمق ويتحول لدرجات أعمق وأفخم كل ما لمستها يدك وتعرضت للهواء وهذا يزيد من قيمتها المادية والجمالية.
الملمس:
إذا جربت تمسكها بتعرف إن من أهم مميزاتها هي ملمسها الناعم مرّة اللي يشبه الحرير… مع ثقل موزون يعطيك راحة وهيبة وهي بيدك عكس السبح البلاستيكية الخفيفة.
صوت الرنة:
صوت اصطدام خرزاتها ببعض يعطيك رنة واضحة ورخامية تدل على كثافة الخامة وجودتها العالية.
مقاومة الحرارة والروائح:
خامة صلبة ما تتأثر بالحرارة العالية بسهولة وعند تحريك الخرز تطلع منها ريحة خفيفة ومميزة تدل على أصالة الخامة.
الجمال البصري والتعريقات:
كل حبة في سبح الفاتوران هي لوحة فنية فـ يوجد تعريقات وتموجات داخل الخرز تظهر بوضوح تحت الضوء.
وهذا اللي يخلي سبحتك قطعة مميزة وغير في كل شي تليق بمقامك وتجمل حضورك في كل مجلس.
الخراطة اليدوية.. ليش هي اللي تحدد سعر سبح الفاتوران؟
قيمة السبحة مو بس في خامتها ولكن كمان بعد فن الخراط هو اللي يرفع قدرها في المجالس:
دقة الحبة:
الخراط الفنان يقص خرز السبح حبة حبة يدوياً ويضمن إنها متساوية في الحجم والوزن بالملي وهذا يخليها مسبوكة ومريحة جداً في يدك.
جمال المئذنة والشواهد:
الشغل اليدوي يبان في المئذنة فكل ما كانت التفاصيل دقيقة والخرط نظيف زادت هيبة سبح الفاتوران وقيمتها الجمالية.
إبراز تعريقات الخامة:
الخراط الشاطر يعرف كيف يقص الخامة عشان يطلع العروق والتموجات اللونية في أجمل صورة… وهذا فن ما تتقنه إلا اليد الخبيرة.
التفرد وعدم التكرار:
لأنها خراطة يدوية فـ مستحيل تلقى سبحتين مطابقة لبعض تماماً وهذا يضمن لك إنك تملك قطعة مميز لك فقط.
ملمس الثقوب ونظافتها:
في الخراطة اليدوية تكون ثقوب الخرز ناعمة ومنظفة بدقة وهذا يمنع احتكاك الخيط ويحافظ على عمر سبح الفاتوران لسنوات طويلة بدون ما تنقطع.
بالنهاية فالسبح المشغولة يدوياً هي اللي تجمع لك بين فن الحرفة وأصالة الخامة.