في لحظات يضيق فيها الصدر ونحس إن الكلام ما يكفي .. نرجع لأبسط الأشياء اللي تهدي الروح… مسبحة تمشي بين الأصابع .. تسبيحة تهمس فيها النفس وذكر يطمن القلب!
عشان كذا صارت خامات المسابيح تفرق معنا .. مو مجرد شكل أو لون… كل خامة تحكي إحساس وكل نوع له لمسة خاصة!
من متجر مخملي جمعنا لك أرقى وأجود خامات المسابيح اللي ما تمسكها بس بيدك بل تحسها بقلبك.
وفي هالمقال بنمشي سواء بين أنواع الخامات ونكتشف وش اللي يناسب ذوقك إحساسك وحتى ذاكرتك.
وش الفرق بين خامات المسابيح؟!
أول شيء لازم تعرفه إن خامة المسابيح ما هي متساوية .. كل خامة لها لمستها وريحتها وفيه ناس تختار المسابيح على حسب الراحة في التسبيح وفيه اللي يهتم بالشكل والرونق وفيه اللي يدور النادر واللي له قيمة عالية .. سواء كنت هاوي أو جامع أو تبغى تهدي شخص غالي فهمك لـ أنواع الخامات بيساعدك تختار السبحة الصح .. ومن هالانواع:
1. مستكة ألماني .. الأصالة والرقي
أرقى خامات المسابيح اللي يعتبر من أجود الأنواع في السوق .. تتميز بلون دافئ بين الأصفر والعسلي وغالباً تكون فيه عروق خفيفة تعطيه شكل طبيعي وساحر .. المستكة! واللي يميزها أكثر إن ملمسها ناعم جداً.
2. مستكة صنبوري .. جمال طبيعي لا يُقاوم
نوع ثاني من خامات المسابيح اللي لها جمهورها الخاص هو المستكة الصنبوري .. هذا النوع يتميز بلونه اللي يجي بين الشفاف والذهبي الفاتح وأحياناً ينعكس فيه ضوء يعطي لمعة جميلة.
الناس يحبونه لأنه خفيف وناعم في اليد وسهل التسبيح فيه .. وأكثر شيء يلفت فيه إنه ما يزعجك أثناء الاستخدام لا صوت عالي ولا ثقل كأنه انخلق علشان يريحك.
غير كذا المستكة الصنبوري غالباً يكون أرخص من الكهرمان والعنبر، لكنه يعطي فخامة قريبة منهم.
3. الزعفران العنابي .. لون يخطف القلوب
لو كنت من محبي التميز والألوان القوية فـ زعفران عنابي من أجمل خامات المسابيح اللي ممكن تختار منها هذا النوع يجي بلون عنابي غامق يشبه لون الزعفران المحروق وله طابع ملكي واضح.
المادة هذي تعطي إحساس بالثبات خصوصاً إذا كانت مصقولة صح وتتميز إنها ما تتغير مع الوقت ولا تفقد بريقها بالعكس تزيد جمال مع الاستخدام.
الناس تحب الزعفران العنابي لأنه يجمع بين القوة في الشكل والراحة في الاستخدام وإذا كنت تحب المسابيح الثقيلة شوي هذي بتناسبك مرة.
4. الكهرمان .. نادر وفخم
ما نقدر نكتب عن خامات المسابيح بدون ما نذكر الكهرمان هذي الخامة من أقدم وأغلى المواد اللي تُستخدم في صنع المسابيح الكهرمان هو صمغ متحجر من ملايين السنين وكل قطعة منه لها شكلها الخاص ما فيه قطعتين متشابهة.
اللي يميز خامات المسابيح الكهرمان إنه يدفى مع حرارة اليد وتطلع منه ريحة خفيفة إذا تم فركه.
سبح الكهرمان تعتبر من الأعلى سعراً ودايم تنباع لهواة الجمع أو الناس اللي يحبون النادر والمميز.
كيف تختار الخامة اللي تناسبك؟
إذا أنت جديد في عالم المسابيح خلك على الراحة في البداية .. جرب خامات خفيفة مثل المستكة الصنبوري وشف وش تحب .. بعد كذا تقدر تطور لعنبر مستكة ألماني أو زعفران عنابي.
أما لو كنت تدور القيمة والندرة فالكهرمان هو خيارك الأول.
خلك واعي إن خامات المسابيح تختلف مش بس في الشكل لكن في الإحساس والشكل .. كل خامة تروي قصة وكل قطعة تعكس ذوقك.
كيف تميز بين الخامات الأصلية والمقلدة؟
مع الأسف السوق مليان تقليد وبعض الناس يبيعون خامات رخيصة على إنها عنبر أو كهرمان .. عشان كذا لازم تشتري من مكان موثوق مثل متجر مخملي ولا تتردد تسأل عن التفاصيل.
- الكهرمان الأصلي إذا فركته تطلع منه ريحة دافية.
- العنبر المستكة الألماني يلمع بلمعة ناعمة ويكون خفيف نسبياً.
- المستكة الصنبوري شفافة غالباً، لكن مو بلاستيكية.
- الزعفران العنابي يكون له وزن وملمس مميز.
الزينة ولا التسبيح؟ أنت تحدد!
بعض الناس يستخدمون المسابيح كإكسسوار يومي وبعضهم ما يستغني عنها في أوقات العبادة .. واللي حلو إن خامات المسابيح تعطيك المجال لكلا الاستخدامين وتقدر تلبس مسبحة كهرمان في المناسبات وتستخدم مسبحة مستكة خفيفة وقت التسبيح.
وبعض الناس حتى يجمعون المسابيح كنوع من الهواية ويغيرون بينها على حسب المزاج أو اللبس.
نصائح للحفاظ على مسبحتك
سواء كانت المسبحة هديّة غالية أو قطعة تحبها وتستخدمها كل يوم الحفاظ عليها بيخليها تعيش معك أطول وتبقى مثل ما هي .. جميلة وفخمة وتستاهل خصوصًا إذا كانت من خامات طبيعية مثل الكهرمان أو العنبر أو المستكة فهنا بعض النصائح اللي بتنفعك كثير:
1. لا تعرّضها للحرارة أو الشمس المباشرة
أكثر شيء يضر المسابيح خصوصًا اللي مصنوعة من خامات طبيعية هو التعرض للحرارة العالية أو أشعة الشمس المباشرة .. مثلاً لو خليت المسبحة على طاولة قزاز أو في السيارة حرارة الشمس ممكن تغيّر لون الخامة أو تتسبب بتشققات صغيرة ما تبان بالبداية لكن مع الوقت تأثر على شكلها ومتانتها.
فـ دايم حاول تحتفظ فيها في مكان بارد وجاف بعيد عن أشعة الشمس.
2. احفظها في علبة قماش ناعمة
بعد ما تخلص من استخدام المسبحة من الأفضل إنك تحطها في علبة قماش ناعمة أو كيس خاص يحميها من الغبار والخدوش .. ترى بعض خامات المسابيح ممكن تنخدش حتى لو خبطت خفيف في مفتاح أو عملة معدنية!
وفيه علب مخصصة للمسابيح تكون مبطنة من جوّا تحافظ على الحبات وتخلي المسبحة محفوظة بشكل أنيق وآمن.
3. لا ترش عطر أو بخور عليها مباشرة
ترى كثير من الناس ينسى هالنقطة العطور والبخور فيها مواد كيميائية قوية وبعضها فيه كحول ممكن يأثر على لون الحبات أو يبهتها خصوصًا مع التكرار
لو تحب العطر .. رش على يدك أو ملابسك أول وبعدها البس المسبحة .. لا تخليها هي اللي تاخذ العطر مباشرة عشان تعيش معك أطول وتبقى محافظ على خامات المسابيح وريحتها الأصلية.
4. امسحها بقطعة قماش ناعمة
من وقت لثاني لا تنسى تعتني فيها وتمسحها برفق .. استخدم قطعة قماش قطنية ناعمة وامسح الحبات وحدة وحدة هذا الشيء ينظفها من أي غبار أو دهون من اليد ويحافظ على شكلها ونظافتها.
ابتعد تمامًا عن المناديل المبللة أو أي منظفات فيها مواد كيميائية لأنها ممكن تضر الخامة خاصة الكهرمان والعنبر.
5. لا تحطها تحت وزن أو ضغط
إذا كنت تحط المسبحة في جيب ضيق أو تتركها وسط أغراض كثيرة في الشنطة ممكن تتعرض لضغط أو كسر بعض خامات المسابيح تكون حساسة وإذا انضغطت أو انخدشت تفقد جمالها.
نصيحتي؟ خلك حريص وخلي لها مكان خاص في شنطتك أو حتى في السيارة وتحطها بطريقة تحميها من أي صدمات.
باختصار عالم المسابيح واسع وجميل واختيارك خامات المسابيح المناسبة لك هو اللي يصنع الفرق .. من المستكة الألماني الرقيق للمستكة الصنبوري الخفيف للزعفران العنابي الجريء إلى الكهرمان الفخم… كل خامة لها طابعها وكل مسبحة تروي حكاية.
إذا كنت تبغى تبدأ أو تطور مجموعتك خلك ذكي واختر من أفضل خامات المسابيح من متجر مخملي اللي تكملك وتعبر عن ذوقك.
